မေ ၊ လားရှိုး” ၏ လမ်းခွဲမှ အလှူတစ်ခုကို သာဓုခေါ်မိခြင်း

                                                                                                                                                                                      

                                                                                                                                                                                             

                                                                                                                                                                        

                                                                                                                                                                               အလင်းတန်းမှာ ကျွန်တော်ဆောင်းပါးမရေးဖြစ်တာ အတော်ကြာပြီ။                                                                          ပြီးခဲ့သည့်လက ဆရာဦးဝင်းငြိမ်းနှင့် “ ဒေါ်ပတ္တမြားခင်၏ မွေးနေ့အလှူပွဲ ”တွင်တွေ့သောအခါ ဆရာက ဇွန်လအတွက် ရွှေအသစ်ငါးပုဒ်တိတိရွေးထားကြောင်းပြောတော့ ကျွန်တော်ထိတ်လန့်သွားသည်။ ဆရာမ မသီတာက ဆယ့်နှစ်ပုဒ်တင်ပေးလိုက်ပြီး ဆရာက ခုနှစ်ပုဒ်ကြိုက်နေသည်တဲ့။ သို့သော် ရွှေအသစ်ခုနှစ်ပုဒ်ဖော်ပြရန်လည်းမဖြစ်နိုင်သောကြောင့် နှစ်ပုဒ်ကို ပြန်ပြင်ရန်အကြံပေး လိုက်ပြီး ငါးပုဒ်ကို ဖော်ပြခဲ့ပါသည်။                                                                                                                                       ကျွန်တော်သတိထားမိသလောက် ရွှေအမြုတေ၏ ရွှေအသစ်ကဏ္ဍတွင် ငါးပုဒ်တိတိဖော်ပြခြင်းမှာ ဒါပထမဦးဆုံးဟုပင် ထင်မိပါသည်။ စာအုပ်ထွက်လာတော့ ရွှေအသစ်ငါးပုဒ်စလုံးကို သတိထားဖတ်ဖြစ်ပါသည်။ သူ့တန်ဖိုးနှင့်သူ အားလုံးကောင်းနေကြ  သည်ဟု ဆိုနိုင်ပါသည်။ ထိုအထဲတွင်မှ ဆရာမ “ မေ-လားရှိုး”၏“ လမ်းခွဲမှ အလှူ” ကို ပို၍သဘောကျမိပါသည်။ ကျွန်တော့်တစ်ယောက် တည်း၏သဘောအရ “ မေ-လားရှိုး ”၏၀တ္ထုမှာ ထူးခြားသည့်ဇာတ်မဟုတ်။ ဇာတ်လမ်းအချိုးအကွေ့ အလှည့်အပြောင်းကလည်း မပါ သလောက်။ သို့သော် စာရေးသူ၏ အရေးအဖွဲ့သပ်ရပ်မှု၊ ရိုးရှင်းသည့် စကားပြေရေးဟန်ကို ခံစားမှုနှင့် ထပ်တူကျအောင်တည်ဆောက် ထားနိုင်မှု ၊ အသစ်တစ်ယောက်ဟု မထင်မှတ်နိုင်လောက်အောင် လှပလတ်ဆတ်သည့် ဝေါဟာရအခင်းအကျင်းများနှင့် စာဖတ်သူကို ဆွဲ ဆောင်ထားနိုင်သော ၀တ္ထုတစ်ပုဒ်ဟုပင်ဆိုနိုင်ပါတော့သည်။                                                                                                            ဇာတ်လမ်း၏ ကျောရိုးမှာ “ မိမိ၏ခင်ပွန်းဖြစ်သူ“ မောင် ”က၊ မိမိနှင့် သားဖြစ်သူကို လူ့ဘောင်တွင်ထားခဲ့ကာ၊ သာသနာ့ ဘောင်သို့ ရဲရင့်စွာ ၀င်ရောက်သွားသည်ကို ဇနီးဖြစ်သူ၏ ခံစားချက်ဖြင့် သရုပ်ဖော်ရေးဖွဲ့ထားသော” ၀တ္ထုတစ်ပုဒ်ဖြစ်ပါသည်။ တစ်နည်း အားဖြင့် ဤ၀တ္ထုကိုဖတ်ရင်း သိဒ္ဓတ္ထမင်းသား တောထွက်ခန်းကို သတိရမိလာစေသော ၀တ္ထုလည်းဖြစ်ပါသည်။ သိဒ္ဓတ္ထမင်းသားက ယသော်ဓရာနှင့် သားတော်ရာဟုလာကို ထားရစ်ပြီး တောထွက်ခဲ့သည်မဟုတ်လား။                                                                                                                            ဇာတ်အဖွင့်တွင် “ မေ-လားရှိုး”က “ မှန်ကြည့်ရင်း မိန်းကလေးပီပီ၊ မိမိတွင် ယောက်ျားတစ်ယောက်က တပ်မက်လောက် သည့် အလှတရား များ ရှိနေသေးကြောင်းကို ဖွဲ့ပြသည်။ ထို့ကြောင့် စာဖတ်သူက“အလှတရားတို့နှင့် အတိပြီးသည့်မိန်းကလေး တစ်ယောက်အဖြစ် ဇာတ်ဆောင်ဖြစ်သည့် ညိုကို လက်ခံလိုက်ရသည်။” ဤသို့လက်ခံပြီးသည်နှင့် “မေ-လားရှိုး”က “ အလှတရားအတိ ပြီးသည်ဟု မာန်မာနတို့ဖြင့် မော်ကြွားခဲ့ရသမျှ အလှတို့သည် ယခုအခါ ထိုယောက်ျားအတွက် ဆံချည်မျှင်မျှ အသုံးမ၀င်တော့ပြီလား။”ဆို သောဝါကျဖြင့် စာဖတ်သူအား ဆန့်ကျင်ဘက်နှစ်ခုကို ခေါင်းချင်းဆိုင်ပေးလိုက်သည်။ တစ်နည်းအားဖြင့် မိမိ၏အလှနှင့် အလိုမကျမှုတို့ကို အားပြိုင်စေလိုက်သည်။                                                                                                                                                         ထို့နောက်တွင် စာရေးသူက “ ခွင့်ပြုပေးပါ ဆိုသောစကားတစ်ခွန်းသည် ဘ၀အဆက်ဆက်ဝေးကွာစေမည်ဆိုတာသိသိနှင့် တောင်းဆိုရက်သူကို ဘယ်လိုနှလုံးသားနှင့် ခွင့်ပြုရမည်နည်း။”ဟူ၍ စာဖတ်သူအတွက် နောက်ထပ်ပဋိပက္ခတစ်ခုကို ဆင့်ပွားတည် ဆောက်လိုက်ပြန်ပါသည်။ ထိုဝါကျသည် စာဖတ်သူဖြစ်သော ကျွန်တော့်အတွက် ရုတ်တရက် လန့်ဖျပ်သွားစေသောအဖွဲ့လည်း ဖြစ်ပါ သည်။ “ ဘ၀အဆက်ဆက်ဝေးကွာစေမည်ဆိုတာ”ဟူသောစကားစုသည် စာရေးသူကိုယ်တိုင် ခိုင်ခိုင်မာမာ တည်ဆောက်ပြလိုက်သော နိမိတ်ပြ စကားစုတစ်ခုဖြစ်နေကြောင်းကို နောက်ပိုင်းမှသိလာရပါသည်။ ထို့ပြင် ဤနိမိတ်ပြစကားကိုလည်း အမှန်တကယ်သတိကြီးကြီး ထားကာ ဆုပ်ကိုင်ရေးဖွဲ့သွားသည်မှာလည်း ချီးကျူးဖွယ် အရည်အချင်းတစ်ရပ်ဟုပင် ထင်မြင်မိပါသည်။                                                     တကယ်တော့ခင်ပွန်းဖြစ်သူ“ မောင်”က ဇနီးသည်ဖြစ်သော“ ညို” ထံတွင် ရာသက်ပန်ရဟန်းဝတ်ခွင့် တောင်းခံနေခြင်းကို တင်ပြနေခြင်းသာဖြစ်ပါသည်။ ထို့ကြောင့် သံသရာမှလွတ်မြောက်အောင် အားထုတ်တော့မည့် ခင်ပွန်းဟောင်းဖြစ်သည့် ဦးဇင်းနှင့် ၃၁ဘုံ တွင်ကျင်လည်ရဦးမည့်ညိုတို့၏ သံသရာလမ်းဝေးကွာမှုကို စာဖတ်သူခံစားခွင့်ရအောင် “နှိုးဆွ”လိုက်သော စကားစုလေးပင်ဖြစ်နေပါ တော့သည်။                                                                                                                                                                     နောက်ပိုင်းတွင် ညိုက မိမိနှင့်ခင်ပွန်းဖြစ်သည့်မောင်တို့၏ တစ်ချိန်က အိမ်ထောင်ရေးအခြေအနေကို ခင်းကျင်းပြသည်။ လူရိုးလူအေးဖြစ်သည့်“မောင်”ကို ညှာတာကာ စီးပွားကို မိမိကပင်ဦးဆောင်ရှာဖွေပြီး စည်းစိမ်အတန်အသင့်နှင့် ရှစ်နှစ်အရွယ် သားတစ်ယောက် ထွန်းကားခဲ့ကြောင်း ၊ ထို့ပြင် မိမိကိုယ်တိုင်က မယားဝတ္တရားငါးပါးနှင့်အညီ နေထိုင်ရင်း သာယာသောအိမ်ထောင်ရေးဖြစ် ကြောင်းသက်စေထူပြခဲ့ပြန်သည်။ ထို့နောက်တွင် “ မောင် ”က သင်္ကြန်အခါတွင်း ဒုလ္လဘရဟန်းဝတ်ရာမှအစပြု၍ သာသနာ့ဘောင်တွင် ပျော်ပိုက်ပြီး ရာသက်ပန်ဝတ်ခွင့်ရအောင် ဇနီးဖြစ်သူအား ခွင့်တောင်းပုံ အကြောင်းအရာ သေးသေးကလေးကို ပိုင်ပိုင်နိုင်နိုင်ရေးဖွဲ့နိုင်ခဲ့ သည့်ဝတ္ထုတစ်ပုဒ်ဟုပင် ဆိုရတော့မည်ဖြစ်ပါသည်။ ထို့ပြင် “လမ်းခွဲမှအလှူ”သည် ဆရာဦးအောင်သင်း၏စကားနှင့်ဆိုရလျှင် စာရေးသူ၏ “ကြံဆသိ”မဟုတ်ဘဲ“ခံစားသိ”ဖြင့် ရေးဖွဲ့ထားနိုင်သည့် ၀တ္ထုတစ်ပုဒ်ဟုပင် ဆိုရပါတော့မည်။                                                                    ၀တ္ထု၏အလယ်တွင်  ညိုက လူထွက်မည်အထင်နှင့် ခင်ပွန်းဆီကိုအသွားတွင် ဇနီးသည်ပီပီ အပျော်တို့နှင့်ပြည့်သိပ်လျက် ခင်ပွန်းလူထွက်မည့်ရက်မှာ သူ့အတွက် ဘ၀၏အပျော်ဆုံးနေ့တစ်နေ့ဟုဆိုကာ ဇာတ်လမ်း၏အရှိန်ကို ဆွဲတင်ခဲ့သည်။ သို့သော် ကျောင်းကိုရောက်တော့ ညို၏အထင်နှင့် လက်တွေ့အခြေအနေမှာ သိသိသာသာ ဆန့်ကျင်နေခဲ့ပါသည်။ ထို့နောက် ခင်ပွန်းကိုချစ်သည့် စိတ်နှင့် လူထွက်စေချင်သော်လည်း တစ်ဖက်က သာသနာ့ဘောင်မှ ရဟန်းတစ်ပါးဖြစ်နေသောကြောင့် ဝေခွဲမရ ဖြစ်နေပုံကို အားပြိုင်ကာ ရေးဖွဲ့ပြနိုင်ခဲ့ပါသည်။ ထိုအခြေအနေတွင် တစ်ချိန်ကနာမည်ကျော်အဆိုတော်ဖြစ်သည့် “မောင်မောင်ညွန့်”၏ “မောင်ရင်လောင်း”သီချင်း ထဲမှ “ဟင်…..ခက်ရချည်ရဲ့ xxxxx၊ တစ်ဖက်ကချစ်သူ   xxxxx  တစ်ဖက်ကဘာဝနာ…….သည်ဗျာပါ….ဘယ်သူကူလို့ အေးပါ့မလဲ။”ဟူ သော အဖွဲ့ကိုပင် သတိရလာစေခဲ့ပါသည်။                                                                                                                                   သေချာသည်က “မေ- လားရှိုး”သည်၊ ၀တ္ထုကိုတည်ဆောက်ရာတွင် အားပြိုင်မှုများကို သူ့နေရာနှင့်သူ အံဝင်ခွင်ကျ တည် ဆောက်နိုင်ပြီး ဤ၀တ္ထု၏ပဓာနအာဘော်ကိုရောက်အောင် တည်ဆောက်ရာတွင် ပို၍သတိကြီးကြောင်း တွေ့ရှိရပါသည်။ အထူးသဖြင့် ဤ၀တ္ထုတွင် “မောင်(ဦးဇင်း)”နှင့်“ညို”တို့နှစ်ဦးတည်း၏ အားပြိုင်မှုမဟုတ်ဘဲ ၊ အလွန်ကိုင်တွယ်ရခက်ပြီး အန္တရာယ်ကြီးသည့် “သာသနာ”ကိစ္စနှင့် သုံးပွင့်ဆိုင် နိုင်နိုင်နင်းနင်း အားပြိုင်ရေးဖွဲ့နိုင်ခဲ့သည်မှာ တစ်ချိန်ချိန်တွင် ရွှေအမြုတေစင်မြင့်ထက်၌ လင်းလက်လာ နိုင်သည့် ကလောင်တစ်ချောင်းဟု မျှော်လင့်ရပါသည်။                                                                                                                     

  ၀တ္ထု၏နိဂုံးနားတွင် လူထွက်ချင်စိတ်မရှိသောဦးဇင်း(ခင်ပွန်းဟောင်း)ကို သိမ်းသွင်းနိုင်ရန်အတွက် “နောက်ဆုံးလက်နက် လေး အသုံးဝင်လိုဝင်ငြား ထုတ်သုံးရတော့မည်။” ဟုဆိုကာ အနားရှိသားကလေးကို မျက်ရပ်ပြလိုက်ရသည်။ ဤအကွက်မှာ စာဖတ်သူ ကိုယ်တိုင် ဖြစ်စေချင်နေသော၊ အဖြေကိုသိစေချင်နေသော “ငြိလုံး”တစ်ခုလည်း ဖြစ်နေပါသေးသည်။ ထိုအခြေအနေတွင် သားငယ်က ဖအေဦးဇင်းဆီအတင်းပြေးကာ သင်္ကန်းစကိုဆွဲရင်း “ ဖေဖေ ဦးဇင်း အိမ်ပြန်ကြစို့လေ”ဟုပြောစေအောင် ကလေးအား သင်ကြားပေးပြီး ဇာတ်ထွတ်ကိုရောက်အောင် ဆွဲတင်လိုက်ပုံမှာ တိတိကျကျနီးပါးရုပ်လုံးပေါ်လာသော ပန်းချီကားတစ်ချပ်ကို လှစ်ခနဲတွေ့လိုက်ရသလို စာဖတ်သူအတွက် အဖြေတစ်ခုကို ငံ့လင့်နေစေပါသည်။ ထို့ပြင် “ဖေဖေဦးဇင်း အိမ်ပြန်ကြစို့လေ” ဟူသောစကားမှာလည်း ကလေးငယ်၏ ကိုယ်ပိုင်စကားမဟုတ်ဘဲ မိခင်ဖြစ်သူက အိမ်တွင် လက်ကြိတ်ထိုးသင်ပေးခဲ့သည့် “ညို၏စကားဖြစ်နေသည်”မှာလည်း ၀တ္ထုကိုအရောင် လက်လာအောင် မွမ်းမံပေးလိုက်သကဲ့သို့ဖြစ်နေပါတော့သည်။                                                                                                              ဇာတ်သိမ်းတွင်တော့ စာဖတ်ပရိတ်သတ်မျှော်လင့်ထားသည့်အတိုင်း ခင်ပွန်းဟောင်းဖြစ်သည့် ဦးဇင်းကို မိမိဘက်ပါအောင် မဆွဲဆောင်နိုင်ခဲ့ပါ။ ထို့ကြောင့် “ အရှင်ဘုရားနှင့်တကွ သာသနာတော်သို့ တပည့်တော်မ၏ လင်သားတစ်ဖြစ်လဲ ဦးဇင်းနှင့် ထိုဦးဇင်းအပေါ် တွင် ဖွဲ့နှောင်မိသော မေတ္တာအားလုံးတို့အား လှူဒါန်းလိုက်ပါ၏ဘုရား”  ဟု ၀တ္ထုကို သေသေသပ်သပ်အနားသတ်လိုက်ပါသည်။ သို့သော် “မေ-လားရှိုး”က ၀တ္ထုကို သည်လိုအနားသတ်လိုက်ရုံနှင့် ပြီး၍မရသေးမှန်း ကောင်းကောင်းသိသူဖြစ်ပါသည်။                                                                          ထို့ကြောင့် “ စေတီလေးဆီမှ ဆည်းလည်းသံလေးသည် လေနှင်ရာတွင် ဝေ့၍ ဝေ့၍ လွင့်ပါသွားသည်မှာ ဝေး၍ ဝေး၍”ဟု ဆိုသောကြောင့် ဆည်းလည်းသံကလေးနှင့် ဝေးသလို သူတို့၏ဘ၀တွေလည်း ဝေးကွာခဲ့ရပုံကို နိမိတ်ပုံပြ၍ အနားသတ်နိုင်ခဲ့ပါသည်။                             သေချာသည်က “မေ-လားရှိုး”သည် ၀တ္ထုကို စနစ်တကျရေးတတ်သူဖြစ်ပြီး ဆရာဦးဝင်းငြိမ်းမျှော်လင့်သလို စာပေစင်မြင့် ထက်တွင် တင့်တင့်တယ်တယ် ထွန်းတောက်လာနိုင်သည့် ကလောင်တစ်ချောင်းဖြစ်ပါစေဟု ဆန္ဒပြုလိုက်ရပါသည်။                                                             

                                                                                                                                                                   

                                                                                                                                                                  

                                                                                                                                   ကောင်းမြတ်ငြိမ်း

စိတ်ဒဏ်ရာ

မည်သူမဆို ငယ်ဘ၀ကို ဖြတ်သန်းဖူးကြပါလိမ့်မည်။ သို့သော် သန့်ရှင်းသော၊ ရိုးသားသော၊ ပွင့်လင်းမှန်ကန်သော ကလေးဘ၀ကို ဖြတ်သန်းခဲ့ရမှ တန်ဖိုးရှိသော ငယ်ဘ၀ဟု သတ်မှတ်နိုင်လိမ့်မည်ထင်ပါသည်။ ထို့ပြင် ရိုးသားသော၊ သစ္စာရှိသော၊ ကိုယ်ချင်းစာတရားရှိသော၊ အနစ်နာခံဦးဆောင်နိုင်သော လူကြီးတို့နှင့်တွေ့ခဲ့လျှင် ပိုမိုအဓိပ္ပာယ်ရှိသော ကလေးတို့ဘ၀မှ တစ်ဆင့်တက် ၍ လူကြီးလူကောင်းဘ၀သို့ လျှောက်လှမ်းနိုင်လိမ့်မည်ဟု ကျွန်တော်ထင်ပါသည်။                                                                   

                 သို့သော် ရိုးသားမှုမဲ့သော၊ သစ္စာမရှိသော၊ ကိုယ်ချင်းစာတရား ခေါင်းပါးသော၊ ဦးဆောင်နိုင်မှုမဲ့သော လူကြီးတို့၏ပတ်ဝန်း ကျင်တွင် ကျင်လည်ကြီးပြင်းခဲ့ရသော ကလေးတို့၏အနာဂတ်မှာ ရင်နာဖွယ်အတိပြီးနေပေလိမ့်မည်။ ကျွန်တော်တို့ငယ်စဉ် မူလတန်းတွင် သင်ကြားခဲ့ရသော ကျေးညီနောင်ပုံပြင်မှ သူခိုးဓားပြတို့လက်ထဲရောက်သွားသည့် ကျေးကလေးနှင့်မခြား ရှိနေပါလိမ့်မည်။ ထို့ကြောင့်   “ကလေးဘ၀သည်၊ လူကြီးတို့၏ဖခင် ” ဟု ဆိုခဲ့ကြခြင်းဖြစ်ပါလိမ့်မည်။ ထို့နည်းတူ ကျေးဇူးရှင် ဆရာဇော်ဂျီကလည်း “ ယနေ့လူငယ်၊ နောင်ဝယ်လူကြီး၊ သင်လည်းတစ်ဦး၊ သားထူးသားမြတ်၊ ဖြစ်အပ်ရာသည်” ဟု မိန့်ဆိုခဲ့ခြင်း ဖြစ်ပါလိမ့်မည်။ သေချာသည်က ကလေးဘ၀ သည် အရည်အချင်းရှိသော လူကြီးတစ်ယောက်ဖြစ်လာရန်အတွက် လိုအပ်သော အခြေခံအဆောက်အအုံလည်းဖြစ်လိမ့်မည်ဟု ကျွန်တော်ထင်ပါသည်။                                                                                                                                         xxxxx                                                                         xxxxxxxxxx                                                                  xxxxxx                 ကျွန်တော့်တွင် သားလေးတစ်ယောက်ရှိပါသည်။ ဖခင်တစ်ယောက်အနေနှင့် လွန်စွာချစ်ခင်ရသော သားလေးဟုလည်း ဆိုနိုင်ပါသည်။ ကျွန်တော်ချစ်လွန်းသလောက် သားလေးကလည်း ဆော့လွန်းလှသည်။ သူ့အမေနှင့်ဆိုလျှင် တကျက်ကျက်နှင့် ပူညံ ပူညံဖြစ်နေတတ်သည်။ မအေဖြစ်သူက ၊ ကလေးဆော့သည်ကိုသိပ်မကြိုက်၊ ကလေးဆိုသည်မှာ၊ လူကြီးကထိုင်ဆိုလျှင် ထိုင်နေရပြီး “ထ”ဆိုလျှင် ထသွားရမည့်သတ္တ၀ါတစ်မျိုးဟု ထင်နေသည်လားမပြောတတ်။                                                                                  ကျွန်တော်ကတော့ ကလေးဆော့သည့်ကိစ္စကို အဆုံးစွန်အထိသည်းခံနေတတ်သူဖြစ်သည်။ ကလေးဆော့ကစားနေလျှင် ကျွန်တော်အလိုလိုကျေနပ်နေတတ်သည်။ ထိုကိစ္စနှင့်ပတ်သက်၍ တစ်ခါဖူးမျှလည်း ကျွန်တော့်သားကိုအပြစ်မတင်။ တစ်ခါဖူးမျှလည်း  မဆူမငေါက်ခဲ့ဖူးပါ။ သို့သော် သူ့အမေနေရာကကြည့်လျှင် တစ်စုံတရာသောအန္တာရာယ်တစ်ခုခုနှင့်ကြုံကြိုက်လာလျှင် ၄င်း၏အပြစ်ဖြစ် မည်စိုး၍သော်လည်းကောင်း၊ သားသမီးကို ခေါင်းကွဲထိပ်ပြဲ မဖြစ်စေချင်၍လည်းကောင်း ဟန့်တားနေခြင်းဖြစ်လိမ့်မည်ဟု ကျွန်တော် နားလည်ပေး၍ရသည်။                                                                                                                                       

                 ထို့ကြောင့်ကျွန်တော့်သားလေးက ရပ်ကွက်ထဲတွင် မီးကုန်ယမ်းကုန်ဆော့ကစားတတ်သော ကလေးတစ်ယောက်အဖြစ် အရပ်ကသတ်မှတ်ထားကြသည်။ သို့သော် ဇနီးသည်ရောကျွန်တော်ပါ သားလေးဆော့ကစားနေပြီဆိုလျှင် မျကိစိကိုဖွင့် နားကိုစွင့်ကာ အသိအာရုံတစ်ခုလုံး ကလေးအနားတွင် ဖြန့်ကျက်ထားရသည်။

                 အဘယ်ကြောင့်ဆိုသော် ကျွန်တော်တို့ငယ်စဉ်ကလို သားလေးခမျာ မလွတ်လပ်ရှာဟုထင်သည်။ ကျွန်တော်တို့ငယ်စဉ်က ဆိုလျှင် ရပ်ကွက်အတွင်းရှိ မည်သူ၏အိမ်ခြံဝင်းထဲတွင်မဆို တံခါးမရှိဓားမရှိ အဆီးအတားမဲ့စွာ ဆော့ကစားခွင့်ရခဲ့သည်။ ထိုစဉ်က အိမ်ခြံ ၀င်းတွေကလည်း ကျယ်ကျယ်လွင့်လွင့်ရှိလှသည်။ ပိတောက်ပင်၊ ကုက္ကိုပင်အစရှိသည့် အရိပ်ကောင်းကောင်းရှိသည့်ခြံဝင်းမျိုးဆိုလျှင် ကျွန်တော်တို့ကလေးတစ်သိုက် ပို၍သဘောကျတတ်ကြသည်။                                                                                           

                 အထူးသဖြင့် ကျွန်တော်၏ငယ်သူငယ်ချင်းတစ်ဦးဖြစ်သူ “ဖိုးစွမ်း”တို့အိမ်တွင် ကစားရသည်ကို ကျွန်တော်ပို၍သဘောကျ သည်။ နွေရာသီဆိုလျှင် သူတို့အိမ်ရှေ့ရှိ ထင်းရူးပင်ကြီးအောက်တွင် ကစားကြလေ့ရှိသည်။ ကစား၍မောလျှင် ဖိုးစွမ်းတို့အဖေကြီး ၀ယ်ပေးထားလေ့ရှိသည့် “ရွှေသွေး၊ တေဇ၊ မိုးသောက်ပန်း၊ လှပ အစရှိသည့် ကလေးဂျာနယ်များကို အားပါးတရဖတ်ခွင့်ရခဲ့သည်။ ဒါကိုမှ မကျေနပ်နိုင်သေးလျှင် တစ်ရပ်ကွက်လုံး ခွေလှိမ့်နိုင်သည်။ စိန်ပြေးတမ်းကစားနိုင်သည်။ မိန်းကလေးတွေနှင့်ရော၍ ထုပ်ဆီးတိုးနိုင်သည်။ ဘောလုံးကန်နိုင်သည်။ တူတူပုန်းတမ်းကစားနိုင်သည်။ ဘာပြဿနာမှမရှိ။                                                                                

                 သို့သော် ကျွန်တော်တို့သားတွေခေတ်ကျတော့ ထိုသို့မဟုတ်တော့။ လွတ်လပ်မှုတွေခေါင်းပါးလာသည်။ ရပ်ကွက်ထဲ လမ်းထဲတွင်၊ ကျယ်ကျယ်ပြန့်ပြန့်ရှိသော ခြံဝင်းတွေရှားပါးသွားပြီ။ ကြီးကျယ်ခိုင်ခံ့ပြီး အရိပ်အာဝါသကောင်းသော သစ်ပင်ကြီးမျိုးတွေ၊ ကျဲပါးသွားပြီ။                                                                                                                                                      

                 လူနေသိပ်သည်းမှု ထူထပ်လာသောကြောင့် အချို့သောခြံဝင်းတွေကို ခွဲခြမ်းစိတ်ဖြာ၍ ရောင်းကြရသည်။ အချို့ကတော့ ခြံဝင်းတစ်ခုတည်းတွင် အိမ်ငယ်ကလေးတွေကို အသီးသီးဆောက်ထားကြသည်။ သို့သော် ခြံကျယ်ပြီး အရိပ်အာဝါသကောင်းမွန်စွာ ကျန် ရှိနေသေးသော အချို့အိမ်ကြီးတွေကလည်း ခြံစည်းရိုးကို လုံအောင်ခတ်ကာ ခြံတံခါးတွေကို သော့ခတ်ထားကြလေ့ရှိသောကြောင့် ကလေးတွေကစားစရာ နေရာမရှိ။

                 ထို့ကြောင့် ကျွန်တော့်သားအပါအ၀င် ကလေးအတော်များများက ရပ်ကွက်အတွင်းရှိ လမ်းမများအပေါ်တွင် ကစားကြရ သည်။ ထိုအခါ ဖြတ်သွားဖြတ်လာကြလေ့ရှိသော စက်ဘီး၊ ဆိုက်ကား၊ မော်တော်ကား၊ ဆိုင်ကယ်အစရှိသော အန္တရာယ်တို့ကိုတော့ ကလေးတွေခမျာ မျက်စိရှင်ရှင်ထားကာ ရှောင်ရင်းတိမ်းရင်းကစားနေကြရရှာသည်။ ထို့ကြောင့် သူတို့ကစားပွဲတွေသည် ကျွန်တော်တို့ တုန်းကလောက်တော့ အရသာရှိလိမ့်မည်မထင်ပါ။                                                                                                        xxxxxxx                                       xxxxxxx                                xxxxxxxx           

ရင်ခုန်တမ်းချင်း

သူမ စိတ်ကို လျှော့ချလိုက် သည်။
နံရံကို ကျောဖြင့်မှီရင်း မျက် လုံးအစုံကို ဇွတ်အတင်း မှိတ်ထား လိုက်ရသည်။ ရင်တစ်ခုလုံး နုံးချည့် နွမ်းလျလာ၏။ ထုံးစံအတိုင်း သူက တော့ပြန်ရောက်မလာသေး။ ဒူးအစုံ ကို လက်နှစ်ဖက်နှင့် သိုင်းယှက်ကာ နာရီကို မော့ကြည့်တော့ စက္ကန့်တံ တွေကမပျင်းမရိ ရွေ့လျားနေသည်။ နာရီမြားက ဆယ့်နှစ်ဂဏန်းကို ညွှန်းဆိုနေသော် လည်း မိနစ်တံက တော့ ဆယ့်တစ်နာရီ၏အရိပ်ကို ခိုတွယ်နေသည်။ မကြာခင် မြည်လာ တော့မည်ဖြစ်သည့် နာရီတီးသံက သူမ၏ ရင်ကို ထိုးနှက်ရိုက်ပုတ်ကာ ဟား တိုက်သရော်လိမ့်ဦးမည်။

တဖြည်းဖြည်းနှင့် ညှိုးခြောက် သွေ့ဝါလာသော အတွေးစက်ဝန်းကို တစ်ပတ်လှည့်ပြီး ကျရာအဖြေကို မျှော်တွေးတော့ ‘ဒီနေ့ ဘောလုံးပွဲ ရှိလို့များလား’ဟု ဆင်ခြင်မိသ ည်။ ဒါလည်းမဖြစ်နိုင်။ ဒီနေ့က တနင်္လာ နေ့မို့ တစ်ကမ္ဘာလုံးတွင် ဘာဘောလုံးပွဲမှမရှိကြောင်း သူမ ကောင်း ကောင်း သိသည်။ ဒါဆိုလျှင် သူမ၏ခင်ပွန်းသည် သူ့သူ ငယ်ချင်း တစ်ဦး ဦးနှင့်အတူ ထုံးစံအတိုင်း အချိန်တွေ ကို အယ်လ်ကိုဟောနှင့် ရောစပ် သောက်သုံးရင်း သူမကို မေ့နေခြင်း သာဖြစ်ပါလိမ့်မည်။ တစ်လောကလုံး ရှိ
လူသားအားလုံး၏ အိပ်မက်တွေ နိဂုံးချုပ်ချိန်ရောက်မှ သူက ထိုဆိုင်မှ အားတုံ့အားနာနှင့်ထမည်။ ပြီးလျှင် အိမ်ကို တိုးတိုးတိတ်တိတ်နှင့်ပြန်လာ ပြီး သူမဘေးတွင် အသာဝင်လှဲကာ စိတ်လွတ်လက်လွတ် အိပ်ပစ်လိုက် လိမ့်မည်။

 ထိုအခါ အိမ်မှုကိစ္စတွေကို တစ်နေကုန်တစ်နေခန်း အောက်ခြေ သိမ်းလုပ်ခဲ့ပြီး မောပန်းနွမ်းနယ်မှု တွေကို တစ်နေရာမှာ ချည်နှောင်၍ ခင်ပွန်းဖြစ်သူကို စောင့်နေရ သည့် သူမ၏ဒုက္ခကို သူနားလည်မည် မဟုတ်။ မိန်းမတစ်ယောက်၏ အိမ် ထောင်ရေးနှင့်ပတ်သက်သော တောင့်တချက်၊ မျှော်လင့်ချက်စ သည့် ရင်ခုန်လှုပ်ရှားမှုတို့ကို သူသိ လိမ့်မည်မဟုတ်ပါ။ သူမရင်ထဲက အထုလိုက် အထည်လိုက်ရှိနေသော မွန်းကျပ်တစ်ဆို့မှုတွေကို သက်ပြင်း မောတွေအဖြစ် အသွင်ပြောင်းကာ လေထုတွင်းသို့ တွန်းလွှတ်ပြီး မသိမသာ ချေဖျက်ပစ်နေရသည်။

လက်ညှိုးညွှန်ရာ

တစ်နေ့ တွင် အလုပ်မှ အနား ယူ ခွင့် ရသဖြင့် ကျွန်တော့် ၏ သားသမီး များ နှင့် အတူ စိတ်ပါ လက်ပါ ဆော့ ကစား နေမိ ပါသည်။

သားကြီးက ရှစ်နှစ် ခန့်ရှိ နေပြီ ဖြစ်သော်လည်း သမီးငယ် ကတော့ ဆယ်လ ခန့်သာ ရှိပါ သေးသည်။ သမီးငယ်သည် လမ်းစမ်း၍ လျှောက်တတ်ခါစ အရွယ် ဖြစ်သောေ ကြာင့် တခစ်ခစ် ရယ်မော ကာ ဒယိမ်း ဒယိုင် ခြေလှမ်း များဖြင့် အိမ်ရှေ့မှ အိမ် နောက်၊  ခြေရင်း မှ ခေါင်းရင်းထိ ဗြောင်း ဆန် နေအောင် ဆော့ ကစား နေခဲ့ သည်။

ထိုကလေး နှစ်ယောက် နှင့်အတူ ကျွန်တော် ကိုယ်တိုင်လည်း ပါဝင် ဆော့ကစား ရင်း အတန်ငယ် မောလာ သောကြောင့် သားကြီးကိ ပြောပြ၍ ရနိုင် သော်လည်း သမီးငယ် ကိုတော့ အာရုံလွှဲရန် ကြိုးစား ရတော့သည်။ ထို့ကြောင့် သမီးငယ်ကို လက်ညှိုးထိုးကာ“ထိုင်”ဟု မာမာတင်းတင်း ဆိုလိုက် မိပါသည်။ စကားပင် မပြောတတ် သေးသော ကျွန်တော့် သမီးက “ထိုင်” ဆိုသော ဝေါဟာရကို ရေရေ ရာရာ နားလည် ပုံမရ။ ကျွန်တော်နှင့် လက်ညှိုးကိုသာ ကြောင်ကြောင် ငေးငေးနှင့် ပြန်ကြည့် နေခဲ့သည်။ ကျွန်တော်က သမီးငယ်ကို၊ နောက်တစ်ကြိမ် လက်ညှိုး ညွှန်၍“ထိုင်”ဟုဆိုလိုက် မိပြန်သည်။

သည်အခါတွင် သမီးငယ်က၊ လက်ခုပ်လက် ၀ါးတီးရင်း ဟက်ဟက် ပက်ပက် ရယ်မောကာ “ဗိုင်း”ခနဲ  ထိုင်ချ လိုက်ပါသည်။ ပြီးနောက် ကျွန်တော်က မတ်တတ် ရပ်ခိုင်း ပြန်သည်။ ကလေးက လိုက်ရပ်သည်။ ထို့နောက် ထိုင်ခိုင်းသည်။ ထိုင်သည်။ ထခိုင်းသည်။ ပြန်၍ ထသည်။ သည်တော့မှ သမီးငယ်ကို ညွှန်ထားသော ကျွန်တော့် လက်ညှိုးကို သေသေချာချာ စေ့စေ့ ကြည့်မိရင်း၊ အာရုံထဲသို့ အတွေး တစ်ခု ၀င်လာခဲ့ပါသည်။

လက်ညှိုး တစ်ချောင်းသည် မည်မျှ အစွမ်းထက်၍၊ မည်သည့် အခြေအနေ အထိ စွမ်းဆောင် နိုင်ပါ သနည်း။ လူ မှန်းသိတတ်စ လူမမည် လေးကိုပင် ညွှန်ကြားနိုင်လျှင် အသိတရား ကြီးမားသော လူကြီးများ ကိုရော၊ ညွှန်ကြား နိုင်ပါသလား။ ထိုသို့ ညွှန်ကြား မည်ဆိုလျှင် မည်သည့် လိုအပ်ချက် တွေ ရှိနေနိုင် ပါသနည်း။ အစရှိ သည့်မေးခွန်း တွေက၊ ကျွန်တော့် အသိထဲတွင် အစဉ်လိုက် သွယ်တန်း လာခဲ့သည်။

လက်ညှိုး တစ်ချောင်း၏ ညွှန်ကြားမှု၊ ဦးဆောင်မှု၊ ဆက်သွယ် မှုထဲတွင်၊ အခြားသော လူတစ်ယောက် အတွက် မည်မျှအထိ အကျိုးရှိပြီး၊ မည်မျှအထိ အကျိုးယုတ် သွားစေ နိုင်ပါသနည်း ဟုလည်း ဆင့်ပွား တွေးတော မိပြန်သည်။ ကျွန်တော့် အနေဖြင့် ပထမဦးစွာ သတိထား မိလာစေသည့်လက်ညှိုး တစ်ချောင်းမှာ လူ၊ နတ်၊ ဗြဟ္မာ၊ သတ္တ၀ါ အားလုံးကို အကျွတ် တရားရစေသည့် ဂေါတမ ဘုရားရှင်၏ လက်ညှိုးတော် ပင်ဖြစ်သည်။ ထိုလက်ညှိုးတော်၏ ညွှန်ပြမှုကြောင့် သတ္တ၀ါ အားလုံးအတွက် လောက အမိုက် မှောင်ကို ဖယ်ခွင်း သိမြင်နိုင်သည့် သစ္စာတရားကို ရရှိခဲ့ ကြပါသည်။

သို့သော် လက်ညှိုး တစ်ချောင်း၏ ညွှန်ကြားမှုကြောင့် ဂျူးလူမျိုးခြောက် သန်းကျော် သေကျေ ပျက်စီးခဲ့ရသော ဟစ်တလာ၏ လက်ညှိုး မျိုးကိုတော့ ကျွန်တော် မနှစ်မြို့နိုင်ပါ။ ထိုနည်းတူ လက်ညှိုး တစ်ချောင်း၏ မှားယွင်း မှုကြောင့် ဗိမ္မိသာရ မင်းကြီးနတ်ရွာ လားခဲ့ရသလို၊ အဇာတသတ် မင်းသားလည်း ငရဲကို သွားခဲ့ရ ပြန်သည်။ ထိုလက်ညှိုးကို အသုံးချခဲ့သည့် ဒေ၀ဒတ် ကိုယ်တိုင်လည်း မဟာပထ၀ီ မြေကြီး၏ ဆုပ်ခြေ ၀ါးမျိုမှုကို ခံယူခဲ့ ရပါသည်။

ထို့ကြောင့် လက်ညှိုးတစ်ချောင်း၏ နောက်တွင် သုံးစွဲသူ၏ စိတ်နေ သဘောထား၊ ကိုယ်ကျင့်တရား၊ တာဝန် ယူမှု၊ ဦးဆောင်နိုင်မှု၊ စေတနာ အစရှိသည့် စေတသိက် တွေလည်း မြောက်မြားစွာ ရောနှော ပျော်ဝင်နေမည်မှာ အသေအချာပင်ဖြစ်ပါသည်။ ထို့ကြောင့် လက်ညှိုးတစ်ချောင်းသည် လူတစ်ယောက် အတွက်၊ ပတ်ဝန်းကျင် တစ်ခု အတွက်၊ လူ့အဖွဲ့အစည်း အတွက်၊ တိုင်းပြည်တစ်ခု အတွက်၊ ယုတ်စွအဆုံး၊ လူ့ မျိုးဆက် တစ်ခုလုံး အတွက် ကြောက် ခမန်းလန့် ခမန်း တန်ခိုးကြီး အသုံးဝင် နေသည်မှာ အံ့သြဖွယ်ရာ ကောင်းလွန်း လှပါသည်။

မိုးခါးရေ

နေ့စဉ်နှင့် အမျှ ဘတ်စ်ကား စီးရသည့် ဒုက္ခကို ကျွန်တော် စိတ်ညစ်လှပြီ ဖြစ်သည်။ ဖြစ်နိုင်လျှင် မစီးချင်တော့။

ကိုယ်က ကျူရှင်ဆရာ ဆိုတော့ စာသင်ချိန်တွေကို အချိန်ကိုက် ရောက်ရန်အတွက် ဘတ်စ်ကားတွေကို အားကိုးရသည်။ ကိုယ်ပိုင် ကားစီးရန် အတွက် အိပ်မက်ထဲတွင်ပင် မရင်းနှီးသေးသော ကျွန်တော့် အတွက် ဘတ်စ်ကားတွေနှင့် ပတ်သက်နေရတုန်း ရှိသေးသည်။

တစ်နေရာရာကို  စာသင် သွားရတော့မည် ဆိုလျှင်  ကိုယ်က အချိန်အတိအကျ  ရောက်နေမှ ဖြစ်မည်။ နောက်ကျနေ၍ မဖြစ်။ ထို့ကြောင့် နေ့စဉ်နှင့် အမျှ ခရီးတိုတွေကို မိုင်ပေါင်းများစွာ  ဖြတ်သန်းနေရသည်။ ကျွန်တော်နေသည့် မြောက်ဥက္ကလာပမှ လှိုင်သာယာ။ လှိုင်သာယာမှ တောင်ဥက္ကလာ။ ထိုမှတစ်ဆင့် မင်္ဂလာဒုံ၊ ကမ္ဘာအေး အစရှိသဖြင့် အရပ် လေးမျက်နှာကို ဥဒဟို ပြေးလွှား နေရသည်။

လှည်း

ကြာတော့လည်း ကြာခဲ့ပါပြီ။ တိတိကျကျ ဆိုရရင် အခု အဖြစ် အပျက်ကလေးဟာ နှစ်ပေါင်း အစိတ် (နှစ်ဆယ့်ငါးနှစ်)ကျော်ကျော် လောက် ရှိရောပေါ့။ ပုံပြင် တစ်ပုဒ် ဆိုရင်တော့ “ဟိုး ရှေးရှေးတုန်းက” လို့တောင် ဆိုနိုင်တဲ့ အနေအထားကို မရဲတရဲ ချောင်းကြည့်လို့ ရပြီ ဆိုပါတော့။

အဲဒီတုန်းက မြို့ကလေး တစ်မြို့ရှိတယ်။ အဲဒီ မြို့ကလေးမှာ ရပ်ကွက်ကလေး တစ်ခုလည်း ရှိတယ်လို့ ဆိုနိုင်ပါတယ်။
_ _ _
ကိုစိန်တွဲဆိုတာ အဲဒီ ရပ်ကွက်ကလေးရဲ့စီးပွားရေး ဈေးကွက်ကို ကြေကြေညက်ညက် သိနေသူလို့ ဆိုကြတယ်။
အရင်ကတော့ သူလို ကိုယ်လို ထူးမခြားနားပါပဲ။ နောက်ပိုင်းကျတော့ နည်းနည်းလေး ချောင်လည်လာတယ်။ အခုဆိုရင် တစ်ရပ်ကွက်လုံးမှာ ရှိတဲ့ စီးပွားရေး တောင့်တင်းသူတွေ စာရင်းထဲမှာတောင် ပါလာပြီလို့ အတွင်းသိတွေက ဆိုကြတယ်။

သာမန် လက်လုပ် လက်စား ဘ၀ကနေ ကိုစိန်တွဲတို့ ကံထ လာပုံကိုလည်း ကြည့်ဦး။ ဘယ်ကနေ ဘယ်လို အဆက်အသွယ် ရသွားတယ် မဆိုနိုင်ဘူး။ မြို့ကလေးရဲ့အစွန်မှာ ရှိတဲ့ လေယာဉ်ကွင်းက စွန့်ပစ် ပစ္စည်းတွေကို လေလံ ရလာတယ်။ စွန့်ပစ် ပစ္စည်းတွေဆိုတာ တခြား မဟုတ်ဘူး။ လေယာဉ်ကွင်းရဲ့ ပတ်ပတ်လည်မှာ ရှိတဲ့ ဟိုတယ်တွေ၊ စားသောက်ဆိုင်တွေကနေ စွန့်ပစ်လိုက်တဲ့ စားသောက်ဆိုင်တွေကို ဆိုလိုတာ။ အတိအကျ ပြောရရင် ကော်ဘူးတွေ၊ ကော်ခွက်တွေ၊ ကော်ဇွန်းတွေ ဆိုပါတော့။

အဲဒီ ပစ္စည်းတွေ အတွက် ကိုစိန်တွဲက မနက်လေးနာရီ ဆိုရင် လက်တွန်းလှည်း တစ်ခုကို ဂျောက်ဂျက်မြည်အောင် တွန်းရင်း ထွက်သွား တတ်တယ်။ သူ့အဆို အရတော့ လေယာဉ်ကွင်းကို သုံးနာရီလောက် ကြာအောင် တွန်းရတယ်ဆိုပဲ။ ရောက်ပြီ ဆိုတာနဲ့ ခုနဆိုင်တွေကို တစ်ဆိုင်ဝင် တစ်ဆိုင် ထွက်လိုက်သိမ်း တော့တာပဲ။ တစ်ခါတလေ လေယာဉ်တွေပေါ်က စွန့်ပစ်ထားတဲ့ ပစ္စည်းတွေတောင် ပါလာတတ်တာပေါ့။ အဲဒါတွေကို ပလပ်စတစ် အိတ်တွေနဲ့ စုထည့်ပြီး လှည်းပေါ်တင်တွန်း လာတော့တာပဲ။ ရပ်ကွက်ထဲကို ဆယ်နာရီခွဲ ဆယ့်တစ်နာရီ ဆိုရင် ရောက်ပြီ။ ရပ်ကွက်ထဲက လူတွေကလည်း ကိုစိန်တွဲ လှည်းကြီး လမ်းထိပ်ကနေ ချိုးဝင်လာတာနဲ့ တစ်ပြိုင်နက် အနည်းဆုံးတော့ လှုပ်လှုပ်ရွရွ ဖြစ်လာကြတော့တာပဲ။

တချို့ မိန်းမတွေ ဆိုရင် အဲဒီလှည်းကြီး အိမ်ရောက် အောင်တောင် မစောင့်ဘဲ အတင်းကာရော ပြေးလိုက် လာကြတဲ့ သူတွေတောင် ရှိတယ်။ ဒါဟာ တစ်နေ့တည်း ကိစ္စ မဟုတ်ဘူး။ နေ့စဉ်နေ့တိုင်း ဒီအတိုင်း ဖြတ်သန်းနေကျ။ တစ်လမ်းလုံးရော တစ်ရပ်ကွက်လုံးပါ ယဉ်ပါးနေကျ ကိစ္စ။ သူ့ လှည်းကြီးကလည်း စိတ်ဝင် စားစရာကိုး။ အဲဒီ လှည်းပေါ်မှာ ပါလာတဲ အိတ်တွေထဲမှာ ဘာတွေပါလာမယ် ဆိုတာ ဘယ်သူမှ အတပ်သိတာ မဟုတ်ဘူး။ယုတ်စွ အဆုံး ကိုစိန်တွဲ ကိုယ်တိုင်တောင် မသိဘူး။

အရင် ပါလာနေကျ ပစ္စည်းတွေကတော့ ထုံးစံအတိုင်း ကော်ဘူးတွေ၊ ကော်ခွက်တွေ၊ ကော်ဇွန်းတွေပါပဲ။ တစ်ခါတလေ ဆိုရင် ထူးထူးခြားခြား ကက်ဆက်တွေ တောင် ပါလာတတ်တာ။ အဲဒီ ကက်ဆက်တွေကလည်း အဟောင်းတွေ အပျက်တွေ မဟုတ်ဘူး။ ဓာတ်ခဲထည့်ပြီး ဖွင့်မယ်ဆိုရင် နှစ်လ၊ သုံးလ လောက်ကို ပျော့ပျော့ကလေး ဖွင့်လို့ ရနိုင်တဲ့ အဟောင်းတွေ။
ထားပါ . . .။

ခုန လူတွေက အဲဒီကက်ဆက် အထိတောင် စိတ်ဝင်စားနိုင် ကြတာ မဟုတ်ဘူး။ အဓိက အနေနဲ့ ဘာအစားအသောက်တွေ ပါလာမလဲ ဆိုတာလောက်ပဲ စိတ်ဝင်စားတာ။ အဲဒီ အစား အသောက်တွေနဲ့ ပတ်သက်ပြီး ဒီလူတွေ စိတ်ဝင်စားကြတာလည်း မပြောနဲ့လေ။ ဥပမာ “ကြက်သား”ဆိုတာ သူ့ခေတ် သူ့ အခါနဲ့ ကြည့်ရင် ဒီလူတွေ အတွက်က ပြဒါးတစ်လမ်း၊ သံတစ်လမ်း မဟုတ်လား။ မဖြစ်မနေ၊ တစ်ယောက်ယောက်က ပွပေါက် တိုးလာလို့ ဖြစ်ဖြစ်၊ လူမမာတစ်ယောက်က သွေးတောင်းလို့ ဖြစ်ဖြစ်၊ ဈေးထဲမှာ သွားရှာမိရင် ရှားရှားပါးပါး တစ်သည်လောက် ဆီမှာ အမြင့်ဆုံး ဈေးနှုန်းနဲ့ ပန်းပန်နေတတ်တာမျိုး။ ဒါတောင် လတ်လတ်ဆတ်ဆတ် ကြက်သန့်သန့် မဟုတ်ဘူး။ အနည်းဆုံး ရေနှစ်ကျပ်ခွဲသားလောက်တော့ ဓာတ်ပြုပြီးသားပဲ။ ဒီတော့ ၀ယ်သူ အနေနဲ့ ကျေနပ်နပ် မကျေနပ်နပ် အောင့်အည်းပြီး လက်ခံ ကြရတာ မဟုတ်လား။

နောက်တစ်ချက်က ဒီလိုသာမန် လက်လုပ်လက်စား ပျံကျရပ်ကွက် ကလေးမှာရှိတဲ့ သူတွေကရော ကြက်သားဆိုရင်“ဘယ်ပန်းချီ ရေးလို့မမီ” ဖြစ်နေတာဟာ ဘယ်မှာ လာဆန်းမှာလဲ။ ဒါပေမယ့် ငယ်ငယ်ကတည်းက ဆင်းရဲခြင်းနဲ့ လည်ပင်းဖက် ပေါင်းသင်းလာတဲ့ ဒီလူတွေဟာ အခုလို ကိုစိန်တွဲ လှည်းကြီးနဲ့ အကြောင်းပါပြီး နောက်ပိုင်းမှာ ကြက်သားရဲ့ ဂုဏ်သိက္ခာဟာ လူတိုင်း မုန်းသွားရတဲ့ ကုန်ပစ္စည်းဘ၀ကို အလိုလို ရာထူး ကျသွားရတော့တာပေါ့။
_ _ _
ဒီလမ်းကလေးထဲမှာ မနက် ဆယ်နာရီခွဲ ဆယ့်တစ်နာရီရဲ့ လူအစည်ကားဆုံး အရပ်ကို ပြပါဆိုရင် ထုံးစံအတိုင်း ကိုစိန်တွဲရဲ့ အိမ်ရှေ့ပေါ့။ အဲဒီအချိန်၊ အဲဒီ နေရာမှာ၊ အဲဒီခေတ်ရဲ့ လူတန်းစား ပေါင်းစုံကို အသွင် သဏ္ဍာန်မျိုးစုံနဲ့ တွေ့ရလိမ့်မယ်။ အထူးသဖြင့် အမျိုးသမီးတွေ ဆိုပါတော့။

အဲဒီ အမျိုးသမီးတွေထဲမှာ ဆံပင် ဖွာလန်ကျဲနဲ့ ကပိုကရို မိန်းမတွေ ပါမယ်။ အရောင်အသွေး မှုန်မွဲမွဲနဲ့ အိုးမည်းနိုင်းချင်း ရုပ်တွေပါမယ်။ သနပ်ခါးရေကျဲ မျက်နှာ မည်းမည်းတွေပေါ်မှာ ရဲရဲ ထနေတဲ့ နှုတ်ခမ်းထူထူတွေ ပါမယ်။ နှပ်ချေးထူ လဗျစ်နဲ့ ကလေးတိုးလို့ တွဲလောင်းတွေ ပါမယ်။ နောက်ပြီး အလွယ်တကူ ရင်လျား ထားတဲ့သူတွေပါမယ်။ တချို့က အထဲမှာရှိတဲ့ ချွေးခံ ဘော်လီကိုတောင် မချွတ်နိုင်ဘဲ ရင်ဘတ်ပေါ် လုံချည်တင် စည်းထားသူတွေ၊ ဖိနပ်မပါတဲ့ သူတွေ၊ ဘောင်းဘီတိုတွေ၊ လုံချည် တိုတွေဆိုတာ မသိရင် ပါဖောမင့် ယိမ်းတိုက် နေသလိုမျိုးစုံမှစုံ။

မသာကိုယ်စားလှယ်

ကျွန်တော်တို့ အိမ်၏ နောက်ဖေးဘက် လမ်းမဆီမှ သံဝေဂ လင်္ကာများကို ရွတ်ဆိုသွားသံ ကြားတိုင်း ကျွန်တော့် စိတ်ထဲမှ “သွားပြန်ပြီ တစ်ယောက်” ဟု မြည်တမ်းမိ တတ်ပါသည်။

လက်ရှိ ကျွန်တော် နေသော ရပ်ကွက် ကလေးသည် ရေဝေးသုသာန်နှင့် အတန်ငယ် နီးသဖြင့် နေ့စဉ်နှင့်အမျှ ဆိုသလို ထိုအသံတွေကို ကြားနေရလေ့ရှိပါသည်။ လမ်းမကြီးပေါ်တွင် အသုဘ ယာဉ်များ၊ သေဆုံးသွားသည့် လူများကို သယ်ယူ၍ ရေဝေးအအေးခန်းသို့ ပို့ဆောင် ပေးနေသော ပတ်ဝန်းကျင် ထိန်းသိမ်းရေး ယာဉ်များ၊ အသုဘ ချလာစဉ် လိုက်လံပို့ဆောင် ပေးလေ့ရှိသည့် ယာဉ်တန်းများကို တစ်နေ့မပြတ် တွေ့မြင်ရတတ်လေ့ ရှိပါသည်။

တစ်ခါတစ်ခါတွင် ပျင်းပျင်း ရှိသဖြင့် လမ်းထိပ်ထွက်၍ လက်ဖက်ရည်ဆိုင် ထိုင်နေလျှင်သော် လည်းကောင်း၊ တစ်ခါတစ်ခါ သွားသွားလာလာဖြင့် ထိုလမ်းကို ဖြတ်မိလျှင် သော်လည်းကောင်း၊ အသက်အရွယ် အမျိုးမျိုး၊ ဆင်းရဲချမ်းသာ မကွဲပြား၊ ကျားမ မရွေးသေ ဆုံးနေကြသည်ကို စိတ်မချမ်း မြေ့ဖွယ် တွေ့မြင်နေရတတ် ပါသည်။ ထုိ့ကြောင့် ကျွန်တော့်အတွက် ထိုကိစ္စသည် အတော့်ကို ယဉ်ပါးနေကျ ကိစ္စဟု ထင်မြင်မိပါသည်။

ထို့နည်းတူ ဒီရပ်ကွက် ကလေးတွင် နေထိုင်ကြကုန်သော ရပ်ကွက်သူ ရပ်ကွက် သားအားလုံး အတွက်လည်း ယဉ်ပါးနေသော ကိစ္စသာ ဖြစ်ခဲ့ပါသည်။ မည်သူမဆို ဒီရပ်ကွက်သား မှန်လျှင် မော် တော်ကားမှန်များတွင် တပ်ဆင်ထားလေ့ ရှိသော ဦးဘယ် သူ ဒေါ်ဘယ်ဝါ အသက် ဘယ်လောက် “ကောင်းမှု” ဆိုသည့် စာတန်းများကို ရင်တွင်းမှ ခံစားချက် မပါဘဲ လိုက်လံဖတ်ရှု နေတတ်ခဲ့ပြီ ဖြစ်ပါသည်။