မည်သူမဆို ငယ်ဘ၀ကို ဖြတ်သန်းဖူးကြပါလိမ့်မည်။
သို့သော် သန့်ရှင်းသော၊ ရိုးသားသော၊ ပွင့်လင်းမှန်ကန်သော ကလေးဘ၀ကို ဖြတ်သန်းခဲ့ရမှ
တန်ဖိုးရှိသော ငယ်ဘ၀ဟု သတ်မှတ်နိုင်လိမ့်မည်ထင်ပါသည်။ ထို့ပြင် ရိုးသားသော၊ သစ္စာရှိသော၊
ကိုယ်ချင်းစာတရားရှိသော၊ အနစ်နာခံဦးဆောင်နိုင်သော လူကြီးတို့နှင့်တွေ့ခဲ့လျှင် ပိုမိုအဓိပ္ပာယ်ရှိသော
ကလေးတို့ဘ၀မှ တစ်ဆင့်တက် ၍ လူကြီးလူကောင်းဘ၀သို့ လျှောက်လှမ်းနိုင်လိမ့်မည်ဟု ကျွန်တော်ထင်ပါသည်။
သို့သော်
ရိုးသားမှုမဲ့သော၊ သစ္စာမရှိသော၊ ကိုယ်ချင်းစာတရား ခေါင်းပါးသော၊ ဦးဆောင်နိုင်မှုမဲ့သော
လူကြီးတို့၏ပတ်ဝန်း ကျင်တွင် ကျင်လည်ကြီးပြင်းခဲ့ရသော ကလေးတို့၏အနာဂတ်မှာ ရင်နာဖွယ်အတိပြီးနေပေလိမ့်မည်။
ကျွန်တော်တို့ငယ်စဉ် မူလတန်းတွင် သင်ကြားခဲ့ရသော ကျေးညီနောင်ပုံပြင်မှ သူခိုးဓားပြတို့လက်ထဲရောက်သွားသည့်
ကျေးကလေးနှင့်မခြား ရှိနေပါလိမ့်မည်။ ထို့ကြောင့် “ကလေးဘ၀သည်၊ လူကြီးတို့၏ဖခင် ” ဟု ဆိုခဲ့ကြခြင်းဖြစ်ပါလိမ့်မည်။
ထို့နည်းတူ ကျေးဇူးရှင် ဆရာဇော်ဂျီကလည်း “ ယနေ့လူငယ်၊ နောင်ဝယ်လူကြီး၊ သင်လည်းတစ်ဦး၊
သားထူးသားမြတ်၊ ဖြစ်အပ်ရာသည်” ဟု မိန့်ဆိုခဲ့ခြင်း ဖြစ်ပါလိမ့်မည်။ သေချာသည်က ကလေးဘ၀
သည် အရည်အချင်းရှိသော လူကြီးတစ်ယောက်ဖြစ်လာရန်အတွက် လိုအပ်သော အခြေခံအဆောက်အအုံလည်းဖြစ်လိမ့်မည်ဟု
ကျွန်တော်ထင်ပါသည်။ xxxxx
xxxxxxxxxx xxxxxx ကျွန်တော့်တွင် သားလေးတစ်ယောက်ရှိပါသည်။
ဖခင်တစ်ယောက်အနေနှင့် လွန်စွာချစ်ခင်ရသော သားလေးဟုလည်း ဆိုနိုင်ပါသည်။ ကျွန်တော်ချစ်လွန်းသလောက်
သားလေးကလည်း ဆော့လွန်းလှသည်။ သူ့အမေနှင့်ဆိုလျှင် တကျက်ကျက်နှင့် ပူညံ ပူညံဖြစ်နေတတ်သည်။
မအေဖြစ်သူက ၊ ကလေးဆော့သည်ကိုသိပ်မကြိုက်၊ ကလေးဆိုသည်မှာ၊ လူကြီးကထိုင်ဆိုလျှင် ထိုင်နေရပြီး
“ထ”ဆိုလျှင် ထသွားရမည့်သတ္တ၀ါတစ်မျိုးဟု ထင်နေသည်လားမပြောတတ်။
ကျွန်တော်ကတော့ ကလေးဆော့သည့်ကိစ္စကို
အဆုံးစွန်အထိသည်းခံနေတတ်သူဖြစ်သည်။ ကလေးဆော့ကစားနေလျှင် ကျွန်တော်အလိုလိုကျေနပ်နေတတ်သည်။
ထိုကိစ္စနှင့်ပတ်သက်၍ တစ်ခါဖူးမျှလည်း ကျွန်တော့်သားကိုအပြစ်မတင်။ တစ်ခါဖူးမျှလည်း မဆူမငေါက်ခဲ့ဖူးပါ။ သို့သော် သူ့အမေနေရာကကြည့်လျှင်
တစ်စုံတရာသောအန္တာရာယ်တစ်ခုခုနှင့်ကြုံကြိုက်လာလျှင် ၄င်း၏အပြစ်ဖြစ် မည်စိုး၍သော်လည်းကောင်း၊
သားသမီးကို ခေါင်းကွဲထိပ်ပြဲ မဖြစ်စေချင်၍လည်းကောင်း ဟန့်တားနေခြင်းဖြစ်လိမ့်မည်ဟု
ကျွန်တော် နားလည်ပေး၍ရသည်။
ထို့ကြောင့်ကျွန်တော့်သားလေးက
ရပ်ကွက်ထဲတွင် မီးကုန်ယမ်းကုန်ဆော့ကစားတတ်သော ကလေးတစ်ယောက်အဖြစ် အရပ်ကသတ်မှတ်ထားကြသည်။
သို့သော် ဇနီးသည်ရောကျွန်တော်ပါ သားလေးဆော့ကစားနေပြီဆိုလျှင် မျကိစိကိုဖွင့် နားကိုစွင့်ကာ
အသိအာရုံတစ်ခုလုံး ကလေးအနားတွင် ဖြန့်ကျက်ထားရသည်။
အဘယ်ကြောင့်ဆိုသော်
ကျွန်တော်တို့ငယ်စဉ်ကလို သားလေးခမျာ မလွတ်လပ်ရှာဟုထင်သည်။ ကျွန်တော်တို့ငယ်စဉ်က ဆိုလျှင်
ရပ်ကွက်အတွင်းရှိ မည်သူ၏အိမ်ခြံဝင်းထဲတွင်မဆို တံခါးမရှိဓားမရှိ အဆီးအတားမဲ့စွာ ဆော့ကစားခွင့်ရခဲ့သည်။
ထိုစဉ်က အိမ်ခြံ ၀င်းတွေကလည်း ကျယ်ကျယ်လွင့်လွင့်ရှိလှသည်။ ပိတောက်ပင်၊ ကုက္ကိုပင်အစရှိသည့်
အရိပ်ကောင်းကောင်းရှိသည့်ခြံဝင်းမျိုးဆိုလျှင် ကျွန်တော်တို့ကလေးတစ်သိုက် ပို၍သဘောကျတတ်ကြသည်။
အထူးသဖြင့်
ကျွန်တော်၏ငယ်သူငယ်ချင်းတစ်ဦးဖြစ်သူ “ဖိုးစွမ်း”တို့အိမ်တွင် ကစားရသည်ကို ကျွန်တော်ပို၍သဘောကျ
သည်။ နွေရာသီဆိုလျှင် သူတို့အိမ်ရှေ့ရှိ ထင်းရူးပင်ကြီးအောက်တွင် ကစားကြလေ့ရှိသည်။
ကစား၍မောလျှင် ဖိုးစွမ်းတို့အဖေကြီး ၀ယ်ပေးထားလေ့ရှိသည့် “ရွှေသွေး၊ တေဇ၊ မိုးသောက်ပန်း၊
လှပ အစရှိသည့် ကလေးဂျာနယ်များကို အားပါးတရဖတ်ခွင့်ရခဲ့သည်။ ဒါကိုမှ မကျေနပ်နိုင်သေးလျှင်
တစ်ရပ်ကွက်လုံး ခွေလှိမ့်နိုင်သည်။ စိန်ပြေးတမ်းကစားနိုင်သည်။ မိန်းကလေးတွေနှင့်ရော၍
ထုပ်ဆီးတိုးနိုင်သည်။ ဘောလုံးကန်နိုင်သည်။ တူတူပုန်းတမ်းကစားနိုင်သည်။ ဘာပြဿနာမှမရှိ။
သို့သော်
ကျွန်တော်တို့သားတွေခေတ်ကျတော့ ထိုသို့မဟုတ်တော့။ လွတ်လပ်မှုတွေခေါင်းပါးလာသည်။ ရပ်ကွက်ထဲ
လမ်းထဲတွင်၊ ကျယ်ကျယ်ပြန့်ပြန့်ရှိသော ခြံဝင်းတွေရှားပါးသွားပြီ။ ကြီးကျယ်ခိုင်ခံ့ပြီး
အရိပ်အာဝါသကောင်းသော သစ်ပင်ကြီးမျိုးတွေ၊ ကျဲပါးသွားပြီ။
လူနေသိပ်သည်းမှု
ထူထပ်လာသောကြောင့် အချို့သောခြံဝင်းတွေကို ခွဲခြမ်းစိတ်ဖြာ၍ ရောင်းကြရသည်။ အချို့ကတော့
ခြံဝင်းတစ်ခုတည်းတွင် အိမ်ငယ်ကလေးတွေကို အသီးသီးဆောက်ထားကြသည်။ သို့သော် ခြံကျယ်ပြီး
အရိပ်အာဝါသကောင်းမွန်စွာ ကျန် ရှိနေသေးသော အချို့အိမ်ကြီးတွေကလည်း ခြံစည်းရိုးကို လုံအောင်ခတ်ကာ
ခြံတံခါးတွေကို သော့ခတ်ထားကြလေ့ရှိသောကြောင့် ကလေးတွေကစားစရာ နေရာမရှိ။
ထို့ကြောင့်
ကျွန်တော့်သားအပါအ၀င် ကလေးအတော်များများက ရပ်ကွက်အတွင်းရှိ လမ်းမများအပေါ်တွင် ကစားကြရ
သည်။ ထိုအခါ ဖြတ်သွားဖြတ်လာကြလေ့ရှိသော စက်ဘီး၊ ဆိုက်ကား၊ မော်တော်ကား၊ ဆိုင်ကယ်အစရှိသော
အန္တရာယ်တို့ကိုတော့ ကလေးတွေခမျာ မျက်စိရှင်ရှင်ထားကာ ရှောင်ရင်းတိမ်းရင်းကစားနေကြရရှာသည်။
ထို့ကြောင့် သူတို့ကစားပွဲတွေသည် ကျွန်တော်တို့ တုန်းကလောက်တော့ အရသာရှိလိမ့်မည်မထင်ပါ။
xxxxxxx xxxxxxx xxxxxxxx
တစ်နေ့
ကျွန်တော်တို့လမ်းထဲတွင် လွတ်လပ်ရေးနေ့အထိမ်းအမှတ်အဖြစ် ပျော်ပွဲရွှင်ပွဲကျင်းပရန် ပြင်ဆင်ကြသည်။
ထိုသတင်းကို ကြားသည်နှင့်တစ်ပြိုင်နက် နဂိုကတည်းကမှ ဖိုးဆော့ချင်ဖြစ်နေသော ကျွန်တော့်သားအတွက်
ရေငတ်တုန်းရေတွင်းထဲ ကျသလိုဖြစ်သွားတော့သည်။
ထို့ကြောင့်
ကျွန်တော့်သားက လွတ်လပ်ရေးနေ့တွင်ကျင်းပမည့်ပြိုင်ပွဲများတွင် သူပါဝင်ကစားခွင့်ရရန်အတွက်
တကျီကျီနှင့် ပူဆာနေတော့သည်။ ကျွန်တော်ကလည်း ထုံးစံအတိုင်း ခေါင်းတစ်ချက်ညိတ်လိုက်ရုံနှင့်
ကိစ္စပြီးနိုင်သော်လည်း စိတ်ကခွင့်မပြုချင်ဖြစ်နေ သည်။ ဖြစ်နိုင်လျှင် ကျွန်တော့်သားကို
မကစားစေချင်။ ကလေးအနေဖြင့် ရပ်ကွက်ထဲတွင် အလွတ်သဘော ကစားစဉ်က ပြဿနာမရှိ သော်လည်း ပြိုင်ပွဲသဘောဆိုလျှင်
အနည်းငယ်တော့ ပြဿနာရှိလာလိမ့်မည်ဟု ကျွန်တော်ထင်သည်။ ထို့ပြင် ကျွန်တော်ကိုယ်တိုင်၏
ငယ်ဘ၀အတိတ် ပုံရိပ်အချို့က အာရုံတွင် ပြက်ပြက်ထင်ထင် ပြန်လည်မြင်ယောင်လာစေသည်။
ထိုစဉ်က
ကျွန်တော့်အသက်မှာ ဆယ်နှစ်သာသာအရွယ်မျှရှိသေးသည်။ ထုံးစံအတိုင်း လွတ်လပ်ရေးနေ့ပျော်ပွဲရွှင်ပွဲကို
ပါဝင်ဆင်နွှဲခွင့်ရခဲ့သည်။ ယှဉ်ပြိုင်ခဲ့ရသည့်ကစားနည်းက“အုန်းသီးလုပွဲ”။ ထိုကစားနည်းကို
တစ်ခါမျှမကစားဖူးဘဲ ထိုနေ့မှကစားရသဖြင့် ကျွန်တော့်အတွက် အထူးအဆန်းလိုဖြစ်နေသည်။ ဆီသုတ်ထားသောအုန်းသီးကို
တစ်ဖွဲ့နှင့်တစ်ဖွဲ့အပြိုင်လုကာ တစ်ဖက်အသင်း၏ဂိုး ပေါက်အဖြစ် ထောင်ထားသော သံပုံးထဲသို့
ဝင်အောင်ထည့်ရခြင်းဖြစ်သည်။
အုန်းသီးကလည်း
ဆီသုတ်ထားသဖြင့် ကိုင်ရတွယ်ရမလွယ်။ လက်နှစ်ဖက်နှင့်ပိုက်၍ အားကုန်ပြေးရသည်။ တစ်ဖက်
အသင်းက လိုက်လုသော ကစားသမားတွေကိုလည်း ရှောင်ရတိမ်းရသေးသည်။ တစ်ခါတရံ လက်ကလွတ်၍ခြေခုံပေါ်ပြုတ်ကျလျှင်
အသည်းခိုက်အောင်နာတတ်သည်။ ပြိုင်ပွဲပြီးသောအခါ အ၀တ်အစားတစ်စုံလုံး ဆီချေးအထပ်ထပ်နှင့်သုံးမရအောင်ပျက်စီးသွားပြီ။
ခန္ဓာ ကိုယ်တစ်ခုလုံး မလှုပ်ချင်မသယ်ချင်လောက်အောင် နာကျင်ကိုက်ခဲနေတော့သည်။ ပို၍ဆိုးသည်က
ခြေထောက်တွေမှာ ထောက်၍မရ နိုင်တော့လောက်အောင် ယောင်ကိုင်းနေခဲ့သည်။
ပင်ပန်းရကျိုးတော့နပ်သည်ဟု
ဆိုနိုင်ပါသည်။ ကျွန်တော်တို့အသင်းက ပထမဆုရခဲ့သည်။ ထို့ကြောင့် ခြေခုံတစ်ခုလုံး နာကျင်ကိုက်ခဲယောင်ယမ်းနေသည်တို့ကို
အပျော်နှင့်ချေဖျက်ပြီး ညဖက်တွင်ကျင်းပသော ဆုပေးပွဲစင်မြင့်နားတွင် မယောင်မလည်နှင့်
အချိန်ကုန်နေခဲ့သည်။ သို့သော် တကယ်ဆုရခဲ့တော့ ဘောပင် သုံးချောင်းမျှသာဖြစ်သည်။ ကျွန်တော်တို့အဖွဲ့တွင်
အသင်းသားသုံး ယောက်ဖြစ်သောကြောင့် တစ်ယောက်တစ်ချောင်းဆိုသည့်သဘော။ ထိုဘောပင်၏တန်ဖိုးမှာလည်း
တစ်ချောင်းငါးမူးသာတန်သည်။
ထိုအခါ
လက်ထဲရောက်လာသော ဘောပင်လေးတွေကိုကိုင်ကာ ကျွန်တော်တို့သူငယ်ချင်းသုံးယောက်စလုံး ကြက်သေ
သေနေခဲ့ကြသည်။ တစ်ယောက်မျက်နှာတစ်ယောက်ကြည့်ကာ ဘာလုပ်လို့ ဘာကိုင်ရမှန်းမသိကြတော့။
ထိုစဉ်က ကလေးတို့၏ မုန့်စားပြိုင်ပွဲတွင်ပင် ကြွေပန်းကန်ပြား၊ ပြက္ခဒိန်အစရှိသဖြင့်
ရကြသေးသည်။ မကျေနပ်၍ ပြိုင်ပွဲတာဝန်ခံလုပ်သည့် ကိုတင်ဝင်းကိုမေး ကြည့်တော့ ကိုတင်ဝင်းက
ထိုကစားနည်းကို သူ၏ခွင့်ပြုချက်မယူဘဲကျင်းပသောကြောင့်ဟု မာမာတင်းတင်း ပြန်ပြောခဲ့ပါသည်။
ထိုအခါ
ဆုံးဖြတ်ချက်မြန်သော၊ အကြောက်အလန့်အနည်းငယ်ကင်းသော ကျွန်တော်က ထိုဘောပင်သုံးချောင်းကို
ကိုတင်ဝင်းရှေ့တွင်ပင် လွှင့်ပစ်လိုက်ပြီး နောက်နောင် လွတ်လပ်ရေးနေ့ပွဲတိုင်းတွင် ဘယ်တော့မှ
ကျွန်တော်မပါတော့ဟု ပြောဆိုကာ နေရာမှ လှည့်ထွက်လာခဲ့ပါသည်။ ကျွန်တော့်နည်းတူ သူငယ်ချင်းတွေကလည်း
လှည့်ပြန်သွားခဲ့ကြပါသည်။
သို့သော်
ကျွန်တော့ရင်ထဲတွင်တော့ ထိုနေ့ကတည်းက စွဲဝင်နေခဲ့သောဆူးတစ်ချောင်းကို ဒီနေ့အထိ မနုတ်နိုင်သေးခဲ့။
နောက်ပိုင်းတွင် အိမ်ထောင်ကျကာ ဇနီးသည်၏အိမ်သို့လိုက်နေ၊ သားတစ်ယောက်ရသည်အထိ လွတ်လပ်ရေးနေ့ပွဲတိုင်းကို
ကြည့်ပင် မကြည့်ဖြစ်တော့။
အခု
ကျွန်တော့်သားက ၀င်ရောက်ကစားမည်ဆိုတော့ ကျွန်တော်စိတ်မပါနိုင်အောင် ဖြစ်နေခဲ့ရခြင်းဖြစ်ပါသည်။
သို့သော် သားငယ်က မျှော်လင့်ချက်ကြီးစွာပူဆာလွန်းသောကြောင့် ကျွန်တော်လည်း စိတ်မသက်မသာနှင့်
ခေါင်းညိတ်ပြခဲ့ရသည်။ သားငယ်က တော့ အပျော်ကြီးပျော်ကာ ခုန်ပေါက်နေတော့သည်။
xxxxxxx
လွတ်လပ်ရေးနေ့သို့ရောက်သောအခါ ကျွန်တော့်သားလေးသည်
မနက်အစောကြီးကတည်းက အိပ်ရာမှထကာ လမ်းထဲတွင် ခေါက်တုံ့ခေါက်ပြန်လျှောက်ရင်း ဟိုကြည့်ဒီမျှော်
ဖြစ်နေပြီ။ လမ်းထဲရှိ လူကြီးအတော်များများကလည်း ကစားနည်းများကို သတ်မှတ်ပြီး အစီအစဉ်တွေဆွဲနေကြသည်။
အချို့လုပ်အားပေးလူငယ်တွေကလည်း မြေဖြူမှုန့်တွေနှင့် စည်းတွေဆွဲနေကြသည်။ . သူတို့သတ်မှတ်ထားသော ကစားနည်းများထဲတွင် ကျားကြီး၊ ကျားလတ် ဘောလုံးပြိုင်ပွဲ၊
အပြေးပြိုင်ပွဲ၊ အာလူးကောက်၊ ထုပ်ဆီးတိုး၊ ချောတိုင်တက်၊ ခေါင်းအုံးရိုက်အစရှိသဖြင့်
စုံစုံလင်လင်ရှိလှသည်။ သို့သော် ကျွန်တော့်သားအရွယ်အတွက် သင့်တော်သော ပြိုင်ပွဲက တစ်ခုသာပါသည်။
ထိုပြိုင်ပွဲက“ကျားလေး အပြေးပြိုင်ပွဲ”ဖြစ်သည်။
သေချာသည်က ကျွန်တော့်သားအရွယ်သည် ဘောလုံးကန်တတ်သည့်အရွယ်လည်းမဟုတ်၊
ဖြစ်နိုင်လျှင် မုန့်စားပြိုင်ပွဲနှင့် အပြေးပြိုင်ပွဲလောက်သာ ရှိလိမ့်မည်။ ဘာပဲဖြစ်ဖြစ်
ကျွန်တော့်သားကတော့ အားကြိုးမာန်တက် ယှဉ်ပြိုင်မည့်သူဖြစ်သည်မှာ သံသယ ရှိနေစရာမလိုပါ။ အမှန်တကယ်လည်း ပြိုင်ပွဲတွင် ကျွန်တော့်သားက
ပထမရခဲ့သည်။ ထို့ကြောင့် ၀မ်းသာအားရ အာပေါင်အာရင်းသန်သန်နှင့် သူအမေကို ပြောပြနေတော့
မအေဖြစ်သူကလည်း တပြုံးပြုံးဖြစ်နေသည်။ ထိုအချိန်တွင် အသက်ခြောက်ဆယ်ကျော်ခန့်ရှိသော
အမယ်ကြီးတစ်ဦးက သူ့မြေးလေးမှာ အပြေးပြိုင်နေစဉ် ခြေထောက်နာနေသဖြင့် မပြေးနိုင်သောကြောင့်
ဒုတိယသာရကြောင်း၊ ခြေထောက်သာမနာလျှင် ပထမဆုကို အသေအချာရမှာဖြစ်ကြောင်း၊ ကျွန်တော့်ဇနီးကို
ကြိတ်မနိုင်ခဲမရဖြင့် လာရောက်ပြောပြနေသည်။ ကျွန်တော်ကတော့ အိမ်ပေါ်မှနေ၍ ထိုအမယ်ကြီးကိုကြည့်ရင်း
မသိမသာ ပြုံးနေလိုက်မိသည်။ သားငယ်ကတော့ ပြေးခဲ့တာရော၊ ကြွားရ တာပါပေါင်းပြီး သိသိသာသာ
မောနေရှာသည်။
တစ်လမ်းလုံးတွင်လည်း တအုန်းအုန်း တရုန်းရုန်းနှင့်
ဆူညံမစဲ တသဲသဲ ဖြစ်နေတော့သည်။ စပီကာမှ ပြိုင်ပွဲတာဝန်ခံ၏ အော်ဟစ်သံတွေကို တစ်ရံမလပ်ကြားနေရသည်။
တစ်ခါတရံတွင် အော်သံဟစ်သံများကြားမှ “ ချစ်တဲ့သူxxxကိုဆံရှည်xxx သျှောင်ကြီးဗွေxxxx
ရွာတောင်ပြင် ညောင်ပင်မလေ……xxxxအရိပ်ဖြာဝေ..xxxx..လူပျိုတွေ…မိတ်သဟာဆွေ…….။”အစရှိသော
သီချင်း သံကိုလည်းကြားနေရသေးသည်။ ထိုသီချင်းသံနှင့်အတူ ရောထွေးထွက်ပေါ်နေသော ဘောလုံးပွဲကြေငြာသံ၊
ထုပ်ဆီးတိုးပွဲ၊ ခေါင်းအုံးရိုက် ပွ၊ဲ ချောတိုင်တက်ပွဲတို့အား အစီရင်ခံနေသည်မှာလည်း
စက္ကန့်မလပ်။ ထို့ပြင်ပွဲကြည့်ပရိတ်သတ်ဆီမှ တအုန်းအုန်းအသံတွေကလည်း နား နှင့်ပင်မဆံ့ချင်တော့။
ကြာလာတော့ နားတွေအူကာ ခေါင်းတွေမူးလာသည်။ ညနေစောင်းတော့
ကျွန်တော့်သားငယ်သည် ခြောက်နာရီမထိုးခင်ကတည်းက ရေမိုးချိုး၊ အ၀တ်အစားလဲ၊ သနပ်ခါးအဖွေး
သားနှင့် ဖြစ်နေပြီ။ ထိုနေ့ညတွင်ပေးမည့် ဆုပေးပွဲတွင် သူကိုယ်တိုင် အားသွန်ခွန်စိုက်ပြေးလွှားခဲ့၍ရသော
ပထမဆုကြီးကို လက်ခံရယူ ရန် ပြင်ဆင်နေပြီ။တွေ့သမျှလူတိုင်းကိုလည်း သူမည်ကဲ့သို့ပြိုင်ပွဲဝင်ခဲ့ကြောင်း
ကြွား၍မဆုံးတော့။ ထို့ကြောင့်မိုးလည်းချုပ်လုပြီဖြစ်သဖြင့်
ဆုပေးပွဲဆီသို့ သူ့အမေကို လိုက်ပို့စေခဲ့သည်။ဆုပေးပွဲမဏ္ဍပ်ကလည်း ကျွန်တော့် အိမ်နှင့်
ဓားလွယ်ခုတ်လောက်တွင်ရှိသောကြောင့် သားကိုသူ့အပေါင်းအသင်းတွေနှင့်ထားခဲ့ကာ ဇနီးသည်က
ပြန်လာခဲ့သည်။ ကျွန်တော်ကလည်း သား၏ဆုပေးပွဲကို မသိမသာနားစွင့်ရင်း
အိမ်မှာသာ စာဖတ်နေခဲ့သည်။ သို့သော် ကျွန်တော့်သားက ခုနှစ်နာရီနှင့်လည်း ပြန်မလာ၊ ရှစ်နာရီနှင့်လည်း
ပြန်မရောက်ဖြစ်နေသောကြောင့် ကျွန်တော်က ဇနီးသည်ကို လိုက်သွားရန် သတိပေးရ သည်။
ထိုအချိန်တွင်ပင် ကျွန်တော့်သားက ငိုကြီးချက်မနှင့်
ပြန်ရောက်လာခဲ့သည်။ ဆုပေးပွဲကြီးလည်း ပြီးသွားခဲ့ပြီ။ ကျွန်တော်က ကလေးကို အကျိုးအကြောင်းမေးတော့
ကလေးက သူ့ကိုဆုမပေးကြောင်း ၀မ်းပန်းတနည်းပြောသည်။ တစ်ချိန်တည်းမှာပင် မသိစိတ်က ကျွန်တော်ကိုယ်တိုင်၏ငယ်ဘ၀ဆီသို့
လှစ်ခနဲရောက်ရှိသွားသည်။ ဒေါသကြောင့် အသားတွေတဆတ်ဆတ်တုန်ယင်လာခဲ့သည်။ တစ်နေရာရာတွင်
တစ်စုံတစ်ခု မှားယွင်းနေပြီဆိုသည်ကတော့ အသေအချာပင်ဖြစ်သည်ကို ကျွန်တော်သိနေပြီ။ ဘာပဲဖြစ်ဖြစ် ဒီအခြေအနေတွင် ကျွန်တော်သွေးမပူသင့်။
စိတ်လိုက်မာန်ပါဖြေရှင်းလိုက်လျှင် ပြဿနာတွေက မီးခိုးကြွက် လျှောက် ဖြစ်သွားလိမ့်မည်။
အထူးသဖြင့် ကျွန်တော့်သားလေး ပတ်ဝန်းကျင်အပေါ် ယုံကြည်မှုလျော့နည်းသွားလိမ့်မည်။ မိမိ၏ကြိုးစား
အားထုတ်မှုအတွက် ရရှိလာသောအောင်မြင်မှုကို ပတ်ဝန်းကျင်တစ်ခွင်လုံး၊ တစ်လောကလုံး သိထားပါသော်လည်း
အသိအမှတ်ပြုမခံရ ခြင်းသည် မည်မျှရင်နာစရာကောင်းကြောင်းကို ကျွန်တော်ကိုယ်တိုင်လည်းရင်ဆိုင်ခဲ့ရဖူးသောကြောင့်
သားငယ်အတွက် ကိုယ်ချင်းစာပေး နိုင်ပါ၏။ သို့သော် သားငယ်ကိုတော့ ကျွန်တော့်လို စိတ်ဒဏ်ရာမရစေချင်။
ထို့ကြောင့် ဒီကိစ္စကို စိတ်အေးလက်အေး ဖြေရှင်းမှဖြစ်လိမ့် မည်ဟု ကိုယ့်ကိုယ်ကိုသတိပေးရင်း၊
မာတင်းနေသော ကျွန်တော့်မျက်နှာကို ဦးစွာပြင်ယူရသည်။ ပြီးနောက် အာရုံကို အသေအချာစုစည်းကာ ကလေးကို အကဲခတ်နေရသည်။
ထို့နောက် ကလေးကိုမငိုရန်အားပေးပြီး၊ မေးခွန်းတစ်ခုကိုအမှတ်တမဲ့မေးလိုက်ရသည်။
“ သားနဲ့အတူ အပြေးပြိုင်ပွဲမှာ
ဒုတိယက ဘယ်သူရတာတုန်း….သားရဲ့….။”
ကျွန်တော့်မေးခွန်းကြောင့် သားကအနည်းငယ်အူကြောင်ကြောင်ဖြစ်သွားပြီး
“ ပထမက သားရတာလေ……။”
“ မဟုတ်သေးဘူးလေ….သားရဲ့၊
ဒုတိယ…ဘယ်သူရသလဲသာပြောကွာ…..။”
ဆိုပြီးကျွန်တော်အတင်းအကျပ်မေးတော့မှ သားက ဘယ်သူဘယ်ဝါရကြောင်း သူ့သူငယ်ချင်း၏အမည်ကိုရွတ်ပြသည်။
သားငယ်၏ စကားသံအဆုံးတွင် ကျွန်တော့်ဇနီးကိုသူ့မြေးလေးခြေထောက်နာနေ၍ ဒုတိယသာရကြောင်း
ပြောခဲ့သော အမယ်ကြီးကို ရုတ်တရက် ပြန်မြင်သည်။ ကျွန်တော်ကဆက်၍ ထိုကလေးကိုရော ဒုတိယဆုပေးသလားဟုဆက်မေးတော့
သားက ခေါင်းညိတ်ပြပြန်သည်။ ကျွန် တော်က သိပ်မသေချာသဖြင့်
“ သူက ဒုတိယဆု ဆိုတော့ ဘာရတာလဲ။”
ထပ်မေးတော့ သားငယ်က ရှိုက်သံတစ်ဝက်စွက်နေရာမှ “ နှစ်ရာ……။”ဟု ပြန်ပြောသည်။
ကျွန်တော့်အာရုံထဲတွင် ကျွန်တော်ကိုယ်တိုင်၏
ငယ်ဘ၀ပုံရိပ်များထဲမှ အုန်းသီးလုပွဲ၊ ဘောပင်သုံးချောင်းနှင့် ဆုပေးပွဲ မဏ္ဍပ်ကို ပြန်လည်မြင်ယောင်နေမိသည်။
ထို့ကြောင့် ခေါင်းကို ခပ်ပြင်းပြင်းခါထုတ်လိုက်ပြီး ရုတ်တရက်ပြုံးလိုက်ကာ “ ဒါများသားရယ်……။ သူတို့ကဆုမပေးရင် ဖေဖေကသားလေးကို
ဆုပေးမှာပေါ့ ။ ဘာလိုချင်လဲပြော….။ ဖေဖေ့သားက
ပထမဆုတောင်ရတာဆိုတော့ ….တကယ်တော်လို့ရတာပေါ့….။
သားလိုချင်တာသာပြော…။ ဖေဖေ၀ယ်ပေးမယ်…..။” ကျွန်တော့်စကားကြောင့် သားငယ်က မျက်ရည်ကိုသုတ်ရင်း ကျွန်တော့်ကိုအကဲခတ်နေသည်။
“ ပြောလေ….သား။ ဘာလိုချင်လဲ……။” ဆိုတော့မှကျွန်တော့်သားကတစ်ခွန်းတည်းသောစကားကိုဆိုသည်
“ နာရီ…..။”တဲ့။ ကျွန်တော်က သူ့အမေကိုမျက်ရိပ်ပြကာ လမ်းထိပ်ရှိစတိုးဆိုင်တွင် သားကြိုက်သောနာရီတစ်လုံးကို ချက်ချင်းဝယ်ပေး စေရန်မှာကြားပြီး ခပ်မြန်မြန်လွှတ်လိုက်ရသည်။ အတန်ငယ်ကြာတော့ ကျွန်တော့်သားက ဘယ်ဘက်လက်ကိုမြှောက်ကာ မြောက်ကြွ မြောက်ကြွဖြင့်ပြန်လာသည်။ မျက်နှာကလည်း ပြုံးလျက်ရွှင်လျက်။ သူပတ်လာသောလက်ပတ်နာရီကိုလည်း ကျွန်တော့်အားပြကာ သဘောအကျကြီးကျနေတော့သည်။ ဒီတော့မှ ကျွန်တော်က ရုတ်တရက်သတိရပုံဖြင့်
“ သားရေ…..ဆုပေးပွဲမှာ ၊ သားရဲ့နာမည်ကိုခေါ်သံမကြားလိုက်ဘူးလား……။ ဟိုက လူကြီးတွေက ဆုကို…သားလာမယူ ဘူးထင်လို့တဲ့…….။ မင်းအတွက်ပထမဆု အိမ်ကိုလာပေးသွားတယ်…..။ ” ဆိုတော့ သားငယ်က “ ဟုတ်လား…..”ဟုဆိုကာ ကျွန်တော်မေးဆတ်ပြသော စာရေးစားပွဲပေါ်ရှိ စာအိတ်တစ်အိတ်ကို ပြေးယူသည်။ ပြီးနောက် စာအိတ်ပေါ်တွင်ရေးထားသော စာတန်းကို စာလုံးပေါင်း၍ဖတ်နေသည်။
“ သားလေး…..မောင်သူထူးဇော်….။ ( ကျားလေး )အပြေးပြိုင်ပွဲ ၊ ပထမဆု” စာကိုဖတ်ရင်း ၀မ်းသာအားရနှင့် စာအိတ်ကိုဖွင့်နေသည်ကို ကျွန်တော်ကြည့်နေမိသည်။ သူ့အမေကတော့ ကျွန်တော့်ကိုကြည့်လိုက် သူ့သားငယ်ကိုကြည့်လိုက်နှင့် မျက်နှာသိပ်မကောင်း။ သားကတော့ ပျော်ရွှင်ကျေနပ်စွာ ထအော်သည်။
“ ဟာ……၊ ငါးရာတောင်……ထောပြီ…….ထောပြီ……” ဆိုကာ ခုန်ပေါက်နေသည်။ ကျွန်တော်ကတော့ သက်ပြင်းကို ခပ်လေးလေးချရင်း အကြည့်ကို လမ်းမသို့ပို့လွှတ်လိုက်ရသည်။ စိတ်ထဲတွင်တော့ နောက်ထပ်လွတ်လပ်ရေးပြိုင်ပွဲကျင်းပရန် ရက်ပေါင်း ၃၆၄ ရက်လိုပါသေးသည်။ သို့သော် ထိုနေ့တွင်လည်း ကျွန်တော့်သားငယ်သည် သူ၏ကြိုးစားအားထုတ်မှုအတွက် အသိအမှတ်ပြုမှ ခံရပါ့မလားမသိ။ သေချာသည်က တဖြည်းဖြည်းအသိတရားရင့်ကျက်လာသော ကျွန်တော့်သားကို နောက်တစ်ခါ လှည့်စား၍ရပါတော့မလား ဟူသောသံသယက ကျွန်တော့်ရင်ကို ခပ်ပြင်းပြင်းလှုပ်ခါနေစေသည်။ မောင်နှင်းပန်း
No comments:
Post a Comment